Білім күніне арналған салтанатты шеру
2018 жылдың 1-ші қыркүйегінде Қазақстан Республикасы ІІМ Мақан Есболатов атындағы Алматы академиясында «Білім күніне» орай салтанатты шара өткізілді.
Шара барысында ІІМ Мақан Есболатов атындағы Алматы академиясының бастығы полиция генерал-майоры Т.А.Кулибаев профессорлық оқытушы құрам мен курсанттарды «Білім күнімен» құттықтап, тілегін білдірді. Полиция генерал-майоры Талғат Асқарұлы өз сөзінде курсанттардың білімге деген құштарлығын арттыруға, тәрбиелі, білікті маман болып шығуына профессорлық-оқытушы құрамының тигізер үлесі зор екенін атап өтті. Сонымен қатар курсанттарды еліміздің заңдарын қатаң сақтауға, өздеріне жүктелген міндеттерді адал атқарып, ата-аналары мен елдің сенімін ақтауға шақырды.
Сап түзеп тұрған курсанттар алдында бұдан кейін Академияның құрметті ардагерлері сөз сөйлеп, өздерінің жылы лебіздерін білдірді.
Дәстүрге сәйкес 1-ші курс курсанттарына білім кілті салтанатты түрде табыс етілді.
Ресми шаралардан кейін сап түзеген жеке құрам мен курсанттар Академия алаңында салтанатты шерумен жүріп өтті.