Дильбарханова Жанат Рахимжанқызы – заң ғылымдарының докторы, профессор, полиция полковнигі. Қазақстан Республикасы ІІМ М. Есболатов атындағы Алматы академиясы бастығының ғылыми жұмыстар жөніндегі орынбасары.

1967 жылы 19 шілдеде Алматы қаласында дүниеге келген. 1989 жылы Алматы мемлекеттік медицина институтын, ал 1999 жылы Х.А. Яссауи атындағы Халықаралық қазақ-түрік университетін бітірген.

Ішкі істер органдарындағы еңбек жолын 1997 жылы ҚР МТК Алматы жоғары мектебінің сот сараптамасы кафедрасының оқытушысы қызметінен бастады.

1998-2015 жж. аралығында ҚР ІІМ Алматы жоғары мектебінің қылмыстарды тергеу мен ашуды сараптама-техникалық қамтамасыздандыру кафедрасында әртүрлі басшы лауазымындарында қызмет атқарды, одан әрі ҚР ІІМ Алматы заң институтының (одан кейін - ҚР ІІМ Академиясы) қылмыстарды ашу мен тергеуді техникалық-криминалистикалық қамтамасыз ету кафедрасы болып қайта аталды.

2015 жылдан бастап ҚР ІІМ Алматы академиясы бастығының ғылыми жұмыс жөніндегі орынбасары лауазымына тағайындалды.

Заң ғылымдарының докторы (мамандығы 12.00.09-қылмыстық процесс; криминалистика және сот сараптамасы; жедел-іздестіру қызметі), профессор.

Кембридж университетінде (Ұлыбритания), Ресей Федерациясының сот сараптамасының Федералды орталығында және басқа да жетекші жоғары оқу орындары мен ұйымдарында ғылыми тағылымдамадан өтті.

"Жоғары оқу орнының ең үздік оқытушысы" республикалық байқауының жеңімпазы болды.

Криминалистикалық зерттеулер мен сараптамалардың 8 түрін өндіруге құқылы куәлігі бар.

Дильбарханова Ж.Р. Қазақстан Республикасы ІІМ М. Есболатов атындағы Алматы академиясының ғылыми-зерттеу және редакциялық-баспа қызметіне басшылық жасайды және үйлестіреді. ІІО қызметінің өзекті мәселелері бойынша іргелі, қолданбалы ғылыми зерттеулер жүргізуге, оқытудың мазмұны мен әдістемесін жетілдіру мәселелеріне, білім беру процесіне жаңа технологияларды, оқытудың нысандары мен әдістерін енгізуге, академияның докторанттары мен магистранттарының диссертациялық зерттеулеріне, тәжірибелік-конструкторлық жұмыстарға басшылық жасайды. Қазақстан Республикасы Ішкі істер министрлігі мен Қазақстан Республикасы Білім және ғылым министрлігінің Білім беру және ғылыми қызметті жетілдіруге, сондай-ақ ІІО-ның практикалық қызметін жетілдіруге байланысты нормативтік құқықтық актілерді әзірлеу бойынша жұмыс топтарына белсенді қатысады.

Магистранттар мен PhD докторанттарына ғылыми басшылықты жүзеге асырады, әртүрлі ғылыми іс-шараларды, соның ішінде халықаралық деңгейде өткізуді ұйымдастыруға басшылық етеді.

Ғылыми-педагогикалық кадрларды, құқық қорғау органдарының практикалық қызметкерлерін даярлау, қайта даярлау және біліктілігін арттыру жөніндегі жұмыстарды ұйымдастыруға басшылық жасайды.

150-ден астам ғылыми еңбектердің, оның ішінде монографиялардың, оқу, оқу-әдістемелік және оқу-тәжірибелік құралдардың авторы. Еңбектері сот-сараптама қызметіне, қылмыстық сот ісін жүргізуге, құқық қорғау қызметіне, ғылыми-зерттеу және білім беру қызметін жетілдіру мәселелеріне арналған.

6D030300 – құқық қорғау қызметі мамандығы бойынша философия докторы (PhD) дәрежесін беру үшін докторлық диссертацияларды қорғау жөніндегі Диссертациялық кеңестің және Қазақстан Республикасы ІІМ
М. Есболатов атындағы Алматы академиясының Ғылыми-әдістемелік және редакциялық-баспа кеңесінің төрағасы болып табылады.

Қазақстан Республикасы ІІМ ғылыми-техникалық кеңесінің және Қазақстан Республикасы Бас прокуратурасының жанындағы Құқық қорғау органдары Академиясының ведомствоаралық ғылыми-әдістемелік кеңесінің мүшесі болып табылады. Қазақстан Республикасы ІІМ Хабаршы-Вестник, ҚР ІІМ Алматы академиясының ғылыми еңбектері журналдарының редакциялық алқа құрамына кіреді.

Ж.Р. Ділбарханованың ғылыми жетекшілігімен заң ғылымдарының кандидаты, философия докторы (PhD) ғылыми дәрежесін алу үшін диссертациялар, магистрлік диссертациялар табысты қорғалды.

Қазақстан Республикасы ІІМ Министрінен, Қазақстан Республикасы Білім және ғылым министрінен, Қазақстан Республикасы ІІМ М. Есболатов атындағы Алматы академиясының бастығынан марапаттауларға ие.