Магистратура

Қазақстан Республикасы Ішкі істер министрлігінің Мақан Есболатов атындағы Алматы академиясы Магистратураға 2019 жылы  құжаттарды қабылдау туралы хабарлайды

 Қазақстан Республикасы ІІМ Мақан Есболатов атындағы Алматы академиясында «Құқық қорғау қызметі» білім беру бағдарламасы бойынша магистрантарды келесі бағыттары бойынша дайындайды: бейіндік бағыт (оқу мерзімі – 1 жыл) және ғылыми-педагогикалық бейінді бағыт бойынша (оқу мерзімі – 2 жыл) қызмет атқарады.

Магистратураға жоғары білім беру бағдарламаларын игерген кандидаттар қабылданады.

Бейіндік бағыт бойынша магистратураға қажетті іскерлік қабілетке ие және жоғары тұрған лауазымдарға жылжыту үшін резервте тұрған ішкі істер органдары қызметкерлерімен жасақталады.

Ғылыми және педагогикалық бағыт бойынша магистратураға ішкі істер органдарындағы практикалық жұмыс өтілі 1 жылдан кем емес ішкі істер органдарының қызметкерлері қабылданады.

Магистратураға қабылдау мемлекеттік білім беру тапсырысы бойынша өткізіледі. Білім беру күндізгі оқу нысанында жүзеге асырылады.

Кадр қызметтері Қазақстан Республикасы ІІМ Мақан Есболатов атындағы Алматы академиясына магистратураға оқуға кандидаттардың мынадай құжаттарын жолдайды: 

1)   кандидаттың жеке ісі;

2)   кандидаттың оқу ісі, ол:

­  - оқуға кандидаттың еркін нысандағы баянаты;

­  - қызметтің соңғы кезеңі бойынша қызметтік мінездеме және аттестаттау парағы;

­  - іріктеу комиссиясының оқуға жіберу туралы хаттамасының көшірмесі;

­  - жеке басын куәландыратын құжаттың көшірмесі;

­  - шет тілдер бағдарламалары бойынша тест тапсырғаны туралы сертификаттың көшірмесі (бар болса);

­  - жоғары білімі туралы құжаттың көшірмесі;

­  - кадрларды есепке алу бойынша жеке іс парағы;

­  - өлшемі 3х4 сантиметр алты фото сурет;

­  - 086-У медициналық анықтама;

­  - ғылыми және ғылыми-әдістемелік жұмыстардың тізімі (олар бар болған жағдайда).

Магистратураға оқуға қабылдау емтихандардың жиынтығы бойынша конкурстық негізде жүзеге асырылады.

Құжаттарды қабылдау 2019 жылдың 20 маусымы мен 20 шілдесіне дейін жүргізіледі.