Сырттай оқу факультеті

Қазақстан Республикасы ІІМ Мақан Есболатов атындағы Алматы академиясы Жоғары білім институтының сырттай оқу факультеті оқу, ғылыми және әкімшілік құрылымдық бөлімшесі болып табылады, 5B030300 – «Құқық қорғау қызметі» мамандығы бойынша жоғары біліммен білікті кадрларды даярлауды, негізгі қызметтен қол үзбей отырып ішкі істер органдары қызметкерлері үшін, сырттай оқыту нысаны бойынша қамтамасыз етеді.

Факультет сырттай оқыту нысаны бойынша білім алушы курсанттармен оқу-тәрбиелік жұмысын ұйымдастырады, кафедраның оқу-әдістемелік жұмысын және ғылыми-әдістемелік жұмысының нәтижесін оқу процесіне енгізуді ұйымдастырады, ғылыми-зерттеу жұмысына қатысады.

Сырттай оқу факультетінің негізгі міндеттеріне кіретіндер:

-  оқу-тәрбиелік процесті қамтамасыз ету және оны бақылау;

- курсанттардың межелік, аралық және қорытынды аттестаттау дайындығына факультет бақылау жүргізу;

- жалпы орта, техникалық және кәсіптік (орта білімнен кейінгі) және жоғары білімі (заңгерлік емес) бар Қазақстан Республикасы ІІМ Ұлттық ұлан әскери қызметкерлері және ішкі істер органдары үшін мамандарды даярлау;

-  жұмыс оқу жоспарына сәйкес жоғары, техникалық және кәсіптік, орта білімнен кейінгі білімі бар жеке тұлғалар үшін бекітілген қысқартылған білім алу бағдарламасы бойынша ұйымдастырылады;

- курсанттардың оқу жетістігінің тарихын жүргізу және барлық оқу барысы мен академиялық кезеңге сәйкес, транскрипты толтыруда жиналған кредиттердің есебімен қадағалау;

- факультетте оқыту сапасын талдау, курсанттардың оқу жетістіктерінің деңгейін анықтау;

- ішкі істер органдарының алдыңғы тәжірибесін және ғылым мен техниканың жаңа жетістіктерін оқу процесіне енгізу бойынша кафедра қызметін үйлестіру.

Қазақстан Республикасы ІІМ Алматы академиясы сырттай оқу факультетінің тарихы біздің оқу орнымыздың дамуы мен құрылуымен тығыз байланысты КСРО ІІМ арнайы орта милиция мектебінен бастап – Қазақстан Республикасы ІІМ Мақан Есболатов атындағы Алматы академиясына дейін.

Қазақстан және Қырғыз Республикаларына милиция кадрларын даярлау үшін, 1956 жылдың 23 шілдесінде Мәскеуде КСРО Ішкі істер министрлігінде КСРО ІІМ Алма-Аты арнайы орта милиция мектебін құру туралы бұйрыққа қол қойылды. 

1957 жылдан арнайы орта мектебінде 3 жылдық оқыту мерзімімен заңгерлік мамандық бойынша ІІО тәжірибелік қызметкерлерін оқытумен сырттай бөлімшесі ашылды.

1961 жылы милиция орта мектебінің базасында КСРО ІІМ Мәскеу жоғары мектебінің сырттай оқу факультеті және кейінірек күндізгі оқу факультеті құрылды.

1969 жылы КСРО ІІМ Жоғары мектебінің факультеті Қарағанды қаласына орналасуымен қайта құрылды.

1980 жылы Алма-Аты орта милиция мектебінің жанында КСРО ІІМ Қарағанды жоғары милиция мектебінің сырттай бөлімшесі ашылды. 

1991 жылға дейін сырттай заңгерлік бөлімшесімен 2640 мамандар даярланды.

1991 жылы 30 шілдеде КСРО ІІМ № 255 бұйрығының негізінде Алма-Аты арнайы орта милиция мектебі ҚазСРО ІІМ Алматы жоғары мектебі болып қайта құрылды, және сырттай оқу факультеті соның құрамына әкімшілік құрылымдық ретінде кірді.

1999 жылы 1 маусымдағы Қазақстан Республикасы ІІМ № 288 бұйрығының негізінде Алматы заң институты мен Алматы техникалық институтының базасында Қазақстан Республикасы ІІМ Академиясы құрылды. Осы аралықта сырттай оқу факультетімен негізгі жұмыстан қол үзбей заңгерлік және техникалық жоғары білімді мамандарды даярлау жүзеге асырылды.

Қазақстан Республикасы Тәуелсіздік алған 1991 жылдан 2018 жылға дейін сырттай оқу факультетінде 7000 астам білікті мамандар мынандай: «Автоматтау, телемеханика және байланыс», «Жол қозғалысын ұйымдастыру», «Кәсіпорында менеджмент және экономика», «Радиофизика және радиотехника», «Құқықтану», «Юриспруденция», «Құқық қорғау қызметі» мамандықтары бойынша даярланып шығарылды.

Қазіргі уақытта Қазақстан Республикасы ІІМ Мақан Есболатов атындағы Алматы академиясында 5B030300 - «Құқық қорғау қызметі» мамандығы бойынша курсанттарды даярлау жүзеге асырылды.

Білім беру «Бакалавр» бағдарламасы бойынша 5 жылдық және 3 жылдық қысқартылған оқу нысаны бойынша жүргізіледі.

Факультетте әртүрлі жылдары жұмыс істеген бастықтар:

- милиция полковнигі Иванов Алексей Пантелеевич (1991-1992жж.)

- полиция полковнигі Жусупов Жеңісбек Алиасқарұлы  (1993 - 1995 жж.)

- полиция полковнигі Чукмаитов Дулат Сламбекұлы       (1996 ж.)

- полиция полковнигі Джусупов Асылбек Таукеұлы         (1996 - 1998 жж.)

- полиция полковнигі Түзелбаев Ерғали Ошпанбайұлы    (1999 - 2001 жж.)

- полиция полковнигі Жұмабеков Аман Наурызбекұлы  (2001 - 2010 жж.)

- полиция полковнигі Әбілдаев Мұхтар Шардарбекұлы (2010 2011 жж.)

Олардың барлығы Академияның оқу процесін дамуы мен құрылуына зор үлес қосты. Факультет тұтастай мұрагерлік дәстүрді демеп, өзінің жұмысын жетілдіруді жалғастыруда.

Қазіргі кезде факультетте заманауи материалдық-техникалық база құрылған, ол әр түрлі қиын деңгейдегі оқу-әдістемелік міндеттерді шешуге мүмкіндік береді.

 

Факультеттің барлық қызметін басқаратын сырттай оқу факультетінің бастығы - әрі жоғары білім беру институты  бастығының орынбасары полиция полковнигі Абильмажинова Гульнара Нурашевна.

Курсанттардың оқу процесін тікелей ұйымдастыратындар:

         -  факультет бастығының орынбасары полиция полковнигі Макин Талгат Шерниязович;

         - аға оқытушы-әдіскер полиция подполковнигі Шалгынбаев Алмаз Кулбекович;

         - оқытушы-әдіскер полиция майоры БаухажанЗарина Кенжегалиевна;

         - оқытушы-әдіскер полиция капитаны  Наметкулова Асем Рыскуловна.

Электрондық пошта: fzomvd2018@mail.ru.Факультет телефоны: 8727-264-26-44

 Сырттай оқу факультетінің курсанттары ғылыми-зерттеу жұмыстарына, дөңгелек үстелдерге, ғылыми семинарларға  қатысады. Оқудан бос уақытта курсанттарға мәдени бағдарламалар ұсынылады: мәдени және тарихи жерлерге, мұражайларға, театрларға, ән кештеріне және бұқаралық-спорттық іс-шараларға бару қарастырылады.


Қазақстан Республикасының Президенті Н.Ә. Назарбаевтың Жолдауын талқылауға арналған дөңгелек үстел.

Аға оқытушы-әдіскер полиция подполковнигі А.К. Шалгынбаев курсанттармен Қазақстан Республикасының Тұңғыш Президенті Н.Ә. Назарбаевтың мұражайында

Д.А. Қонаев атындағы мемориалды мұражай-пәтерінде.

 

СОФ курсанттары мен кураторлары «Медеу» биік таулы спорттық кешенінде

 

 

Басшылық құрам мен қонақтар сырттай оқу факультетінің бітіруші курсанттарын салтанатты шығару үстінде